Contact Dewan Kesenian Kabupaten Tegal

Sing butuh informasi babagan kegiatan kesenian nang Kabupaten Tegal, Kota Tegal, lan sekitar Galawi, monggho ngisi formulir kontak nang kene. Enbe, pesene sing lumrah, aja angel-angel trus aja akeh-akeh... Eh, gluwean ding. Pokoke angger pan pesen akeh karo angel-angel ya ora papa, bisa diatur lan ditanggung bareng-bareng. Angger ana kesempatan karo ora berhalangan, DKK Tegal pan njawab pesen sing dikirimna sampeyan sacepete.

Misale sampeyan due informasi sing kudu diumumna karo masyarakat babagan kegiatan Kesenian Galawi sing pan diadakna (rencana) utawa uwis diadakna trus arepan disebarna, monggho bisa ngisi nang kolom ngisor kiye. Ne beritane layak dimuat dadi postingan, bakale dimuat. Yen ora layak, ya mengko diedit ben kalimat redaksine tepat.

Sampeyan juga bisa nein usul, ngritik, ngresula, lewat kontak pesan kiye. Sing penting aja misuh, ngomong jorok, saru, goroh nggawe spam utawa runtah. Intinie informasi kudu valid lan bisa dipertanggungjawabkan.

Cara ngisi formulir kontake gampang. Nulis aran nang kolom 'Name', trus juga ngisi alamat e-maile sampeyan nang kolom 'Email'. Bar kue, ngetik pesen nang kolom 'Message' sing rupane pitakonan, ngresulaan, utawa penjalukan. Informasi utawa brita ya bisa diketik dawa nemen nang kolom 'Message', sing penting bener ora kesel lan ora nyesel. Monggho diketik...

Sauwise diketik, dipenthelengi... Ana sing kurang utawa keluwihen apa ora. Ne wis yakin, terus diklik tombol [Kirim]. Kue bakal secara otomatis terkirim lan InsyaAllah ketrima nang email pemberitahuane admin. Mudeng, kan...?

Anggere pengin ketemuan langsung juga bisa. Teka bae maring kantor sekretariat Dewan Kesenian Kabupaten Tegal sing kantore bareng karo Gedung Rakyat nang alamat Jalan Dr. Soetomo Nomor 08 Slawi Kulon. Lokasi tepate nang wetane Rumah Sakit Umum Daerah Kabupaten Tegal dr. Soesilo.

Yuh, bareng-bareng nguripi Budaya Galawi. Matur nuwun...